sábado, 29 de febreiro de 2020

Alberto Guitián

O ilustrador galego Alberto Guitián, impartirá dous obradoiros no noso Centro o próximo 13 de marzo, dentro das actividades programadas no III Festival Montenegro.


Alberto é licenciado en Belas Artes pola Universidade de Vigo, pero foi en Barcelona onde comezou como ilustrador e deseñador gráfico freelance. 

Ilustra carteis, portadas, produto, libros e publicidade. Colaborador en revistas de humor El Jueves, Mister K, Retranca e O Botafumeiro.

Participou en diversas antoloxías cómicas (como H2Oil, Autsaider Minicomics, BlackPulpBox ou Mortland). 

Tamén realiza fondos e storyboard de animación. Impartiu máis de 40 obradoiros e clases maxistrais en banda deseñada e ilustración en Galicia e Cataluña.

Editou as monografías Fito & Pita (Retranca, 2009), Petaco (Diábolo, 2010; edición francesa en 2013),  O circo de Lorza (Dibbuks, 2011) e Só tinta (Polaqia, 2012).





Na súa páxina albertoguitian.com podes admirar as súas obras e proxectos.


Algunhas das súas obras destacadas son:

Exposición colectiva A metaviñeta, Galería Monty4, A Coruña, 2015.

Gráfica e dirección de arte dos espectáculos da compañía El Retrete de Dorian Gray.

Exposición El Circo Lorza, MIHL, Lugo, 2014.

Chico & Rita (largom.: fondos), Estudio Mariscal, Barcelona, 2010.

Oca do Camiño de Santiago (xogo de mesa, ilustracións), O gráfico/Ideas Peregrinas, 2010

Marta Dacosta Alonso

Esta poetisa galega estará con nós o próximo 12 de marzo.

Desenvolverá obradoiros de iniciación á poesía co alumnado de 2º da ESO e falará co alumnado de 2º bacharelato sobre a poesía na actualidade.



 Publicou varios libros e moitos dos seus poemas están recollidos en diversas antoloxías.


Podes coñecer máis sobre Marta no seu blog, onde recolle, ademais de poemas, artigos e colaboracións en diferentes medios.



venres, 28 de febreiro de 2020

Diego Ameixeiras Novelle

Contaremos tamén no III Festival Montenegro con Diego Ameixeiras. 

Non dubidamos de que a visita deste escritor vai animar ao noso alumnado a ler novela negra en galego. 

Preme na foto para máis información en Montenegro



M. Antonia Huertas


Preme na foto para máis información en Montenegro

Antonia Huertas estará con nós o próximo 13 de marzo no III Festival Montenegro para presentarnos o seu libro 

"Alterworld, lo saben todo de ti".


 Estamos desexando que chegue o día de poder conversar con ela!

Sergio Vera Valencia

O día 12 de marzo contaremos, dentro das actividades do III Festival Montenegro de Arte e Novela Negra, con Sergio Vera, ao que xa consideramos padriño deste evento. 

Conversará co alumnado de 1º da ESO para inicialo no xénero da novela negra.

Preme na foto para máis información en Montenegro


venres, 14 de febreiro de 2020

DÍA DA MULLER E DA NENA NA CIENCIA

O pasado 11 de novembro o IES Monte da Vila sumouse á celebración e conmemoración do día da muller e da nena na ciencia decorando as instalacións do centro con carteis e ilustracións de mulleres que contribuiron a algúns dos avances científicos mais notorios da nosa historia.
A proposta contou coa colaboración de gran parte do alumnado de FPB1, 3ºESO e 4ºESO, que se animou a buscar información e resumir os detalles mais relevantes da vida e do traballo dalgunhas mulleres de ciencia. O resultado final está exposto nas paredes do instituto.






As profesoras de ciencia esperamos que esta iniciativa sirva para dar visibilidade ao colectivo de traballadoras da comunidade científica e promover a ciencia sen barreiras nas nosas alumnas e alumnos.

luns, 10 de febreiro de 2020

DESBORDANDO O MAR: VIDEOCONFERENCIA COA ANTÁRTIDA



Texto redactado coa colaboración de Pablo Pazos e Javier Besada
 
O pasado venres 31 de xaneiro, o noso instituto tivo a sorte de poder realizar una videochamada directamente coa Antártida. Alí encóntrase a base Gabriel de Castilla, situada na illa Decepción; nome o cal ven mal traducido do inglés <Deception> (engano). O nome inglés foi dado despois de analizar a forma da illa e comprobar que era algo totalmente diferente ao que aparentaba. O nome en español parece ser que foi un erro de traducción pero entre as teorías máis famosas está a que di que pensaban que esta illa ocultaba un tesouro, pero non había nada (de ahi <Decepción>). A outra conta que un explorador chegou alí pensando que era o descubridor daquel lugar ata que encontrou un cazador de focas e levou unha decepción.
Na videochamada un comandante e un xefe de investigación contáronnos que a pesar dese nome, a illa era todo o contrario.

Illa Decepcion (entrada á Antártida dende Arxentina)

Illa Decepcion (en forma de ferradura)













No que respecta á flora e fauna, os interlocutores fixeron un breve resumo das especies que se atopan convivindo con eles e no resto da Antártida. Unha cousa que nos sorprendeu foi que a Antártida é extremadamente grande, sobre todo en inverno porque aumenta considerablemente o seu tamaño e, en todo ese espazo, soamente hai dúas flores.
Entre as especies que se atopan na illa Decepcion están: o pingüino, o lobo mariño, a foca leopardo, as baleas, e outros moitos animais que frecuentan tanto as costas e montañas coma os fondos mariños do entorno.

Foca leopardo na illa Decepcion







Lobo mariño na illa Decepcion
Pingüinos barbijo na illa Decepcion

Se queres descubrir a reacción dos ponentes cando lles preguntamos polo cheiro dos pingüinos, preme no seguinte vídeo:




No tocante á xeoloxía,  a illa Decepcion é unha illa volcánica que aínda se atopa en activo. Este dato non pasou desapercibido entre o noso público, que se interesou por saber se habitualmente se sinten temblores na zona e se existe preocupación entre os científicos e militares pola posibilidade de que se produza unha erupción. Pero non nos olvidemos da formación laboral dos nosos interlocutores pois, por un lado contan cun equipo de investigadores que toman medidas día a día a través de diversos sismógrafos, e por outro lado teñen o respaldo militar que garantiza a evacuación seguindo os protocolos axeitados.

Se queres descubrir se existen temblores na illa Decepcion, preme no seguinte vídeo:


Outro dos temas que puidemos comentar ao longo desta videoconferencia foi o da convivencia. Que traballo realiza cada un na illa? Que fan no seu tempo libre? Hai algún tipo de malos rollos?
Con todas estas preguntas parecemos sorprender un pouco aos nosos convidados que non tiveron ningún problema en resolver as nosas dúbidas e entrar ao trapo cos cotilleos. Algúns dos detalles que mais nos gustaron son os seguintes:
- Os científicos este ano teñen entre mans un megaproxecto no que participan máis de 30 investigadores de países diferentes e que se está levando a cabo nun buque xigante cerca da illa.
- Os militares están ao servicio dos científicos, proporcionándolles refuxio, protección e comida. Por exemplo, eles son os encargados de sacar a auga potable dun lago cercano á base.
- Toda a base alí montada é temporal. Está prohibido construir na Antártida debido a diferentes tratados internacionais que teñen a intención de protexer o medio natural ao máximo.
-  Traballan tódolos días da semana e soamente recoñecen os domingos porque teñen churros para almorzar.
- E si, a convivencia entre eles é moi boa. Cando teñen ratos libres adoitan mirar algunha película ou xogar a algún xogo de mesa e incluso tiveron tempo para batirse nun torneo de futbolín.

Ao final da charla tivemos a sorte de que o comandante e o investigador saíron fora para ensinarnos as vistas coas que se levantan tódolos días e o que máis nos chamou a atención foi un esqueleto completo de balea que se ubicaba na praia. Ao parecer, explicáronnos que alí era moi típica a caza de baleas antes de que se prohibira. 

Se queres descubrir a balea e o entorno no que viven os traballadores da base Gabriel de Castilla, preme no seguinte vídeo:






 
Para os profes do IES Monte da Vila é unha gozada poder presentarlle actividades como esta ao noso alumnado. Tal vez nuns anos poidamos contar coa colaboración dalgún deles para seguir fomentando a actividade científica entre os adolescentes da nosa comunidade. 
Moi bo traballo!

xoves, 6 de febreiro de 2020

DESBORDANDO O MAR

 


Texto redactado por: Pablo Pazos

O Pasado martes 28 de Xaneiro retomouse a parte experimental do club de ciencia despois do descanso de Nadal.


Seguindo co tema de investigación “o mar”, fomos a parar ás frías augas da Antártida, onde se atopan moitas curiosidades que descoñeciamos.


Falamos do permafrost, o cal é unha gran preocupación para os científicos. Un dos motivos é que cando este se derrita, a cantidade de metano que sairá acelerará aínda mais o quecemento global. 






Ademais, como puidemos comprobar, este gas é inflamable e iso permite xogar con el un pouco… con coidado e supervisión claro... No laboratorio escollemos o gas hidróxeno para simular este proceso e divertímonos un rato queimando burbullas dun vaso con auga e xabón.






Tamén falamos do tema que nos preocupa a nós, cidadáns de costa, e é que co derretemento dos polos o nivel do mar ascendería considerablemente e o noso querido hábitat pasaría a ser unha especie de Atlántida (pobo afogado). Observamos que só o xeo ubicado no continente pode contribuír a este aumento do nivel do mar, e non os glaciares e as placas flotantes por exemplo.


Por último fixemos un experimento no cal comprobamos o que pasará cando ese gas metano do permafrost sexa expulsado; a atmosfera exercerá toda a súa forza nese terreo e este afundirá completamente. Nós experimentámolo con latas de refrescos.




Esta vez despedímonos ata o venres para continuar coa aventura pola Antártida. Espéranos unha videoconferencia en directo coa base Gabriel de Castilla da illa Decepción da Antártida.

Moi bo traballo!

CONCURSO DE VIDEO RECEITAS

IES MONTE DA VILA DENTRO DO PROGRAMA “MARE MECUM” INVITA A TODA A COMUNIDADE DO GROVE A PARTICIPAR NO

CONCURSO DE VÍDEO-RECEITAS
PRATOS DE MEXILLÓN

As técnicas para a súa elaboración son totalmente libres; o único requisito é que a base principal do prato sexa o mexillón.
Valorarase o carácter educativo do vídeo (o vídeo deberá transmitir unha aprendizaxe, a partir do vídeo debe ser sinxelo poder elaborar ese prato na casa) e a presentación do prato.
Podes participar cun máximo de dous vídeos, os cales deben ser da túa autoría e estar en posesión dos dereitos de explotación dos mesmos.

Non está permitido utilizar materiais/contidos sometidos a dereitos de propiedade intelectual, sen adquirir previamente autorización expresa dos propietarios.
Recomendamos así mesmo, a utilización de materiais -musicais, fotográficos, etc,…- rexistrados baixo licenzas libres. Admitirase calquera tipo de formato dixital.

A duración establecida será como mínimo dun minuto e como máximo de tres minutos.

Subir o vídeo a calquera plataforma (youtube, …) e enviar a ligazón ao correo 
foto.video.montedavila@gmail.com, indicando:

·         Nome do prato.
·         Datos do participante.
·         Número de teléfono de contacto

Tamén podes traer o vídeo ao instituto e entregalo no departamento de debuxo.

Data límite de entrega: 8 de marzo.

Na semana cultural, do 30 de marzo ao 3 de abril, os gañadores elaborarán os seus pratos xunto con profesionais da cociña do Grove de recoñecido prestixio.
As receitas gañadoras publicaranse en varios idiomas.
Os gañadores recibirán un diploma, un trofeo e un libro de cociña dedicado polo seu autor. O acto público celebrarase o mércores 1 de abril.

CATEGORÍAS:
A: Menores de 12 anos
B: 1º e 2º ESO
C: 3º, 4º ESO e FPB
D: 1º, 2º Bac. e ciclos
E: maiores de 18 anos
F: Profesionais da cociña