ETIQUEFÁSSSS!!??

Este venres 1 de febreiro no 1º recreo teremos a Pablo Villanueva de 3º ESO nunha sesión de papiroflexia na que nos ensinará a facer un dragón.

VÉMONOS!!!!!!!!!

O DIARIO VIOLETA DE CARLOTA

Hoxe botou a andar o novo club de lectura para 1º e 2º da ESO, coordinado polo profesor Serxio Folgueiras Arias.

O libro escollido para este trimestre é  O diario violeta de Carlota, de Gemma Lienas.


Carlota é protagonista xa de media decena de libros; entre eles os seus tres diarios: o diario violeta, o vermello e o azul.

Neles a adolescente preséntanos a través da súa vida problemas presentes na nosa sociedade.

Neste libro Carlota observa o mundo a través das súas gafas violetas e descobre en todas partes prexuízos contra as mulleres.

Quen se inventou que en asuntos amorosos os mozos teñan que tomar a iniciativa?

Por que o azul ten que ser a cor dos mozos e o rosa o das mozas?
O diario violeta de Carlota trata con humor e agudeza a situación da muller no mundo actual. Carlota convídanos a utilizar as súas lentes de cor violeta que nos van a permitir detectar situacións inxustas e desenmascarar as actitudes machistas.

Flanagan, o mozo que Carlota coñece no diario vermello de Carlota, é o protagonista dunha extensa colección de misterio dos autores Andreu Martí e Jaume Ribeira. Á vez que Carlota escribe o seu diario, Flanagan fará o mesmo pola súa conta.

A NOSA BIBLIOTECA SEGUE A CAMBIAR

Desde que comezamos este curso, estamos a facer cambios na nosa biblioteca. 

Tentamos poñer todo o noso empeño para que sexa un espazo cada vez máis aberto a toda a comunidade educativa.

Temos novo mobiliario: mesas e cadeiras, persianas e estores, estantes novos para a sección de cómic, pufs,... 

                                                          

Moi pronto imos ensinarvos o noso equipo de alumnado voluntario da biblioteca.

E recordade que seguimos buscando un logo.

Compramos varios xogos para poder ter unha colección para o alumnado que queira achegarse a gozar deles nas horas de lecer.

Estamos tamén ampliando a colección de cómic e moi cedo amosaremos todas estas novidades.

ETIQUEFÁS!!??

O día 14 de Novembro puidemos gozar de Juanes ( 4°ESO) e a súa guitarra eléctrica, na segunda sesión de ETIQUEFÁS!!??

Escoitamos " Californication" de Red Hot Chili Peppers e unha chea de punteos rockeiros dos que nos gustan.

Comprobamos que a nosa acolledora biblioteca é , ademais, un estupendo auditorio improvisado.

Grazas a todos os que viñestes de público e ata a próxima sesión.

Atentos ao cartel da entrada da biblioteca e aos taboleiros dos corredores!!!!!